Casa D’Arte — Premium İtalyan Brendləri
Casa D’Arte, Bakıda italyan premium mebelləri təqdim edən və satışını təmin edən mağazadır. Biz aparıcı İtalyan mebel brendlərini bir araya gətirərək müştərilərimizə estetik, funksional və uzunömürlü interyer konseptləri təklif edirik. Məkanımızda həm müasir, həm klassik, həm də minimalist tərzdə interyerlər üçün eksklüziv mebel və dekor kolleksiyaları ilə tanış ola bilərsiniz. Showroom-umuz Bakı Ağ Şəhərdə, Raffle Tower binasında yerləşir.
Longhi
Longhi, italyan lüksünü müasir dizaynla birləşdirən premium interyer brendidir. Kolleksiyaya divan və kreslolar, yataqlar və başlıqlar, masa və stul modelləri, puflar, işıqlandırma elementləri, həmçinin pivot, sürgülü qapılar, dekorativ panellər kimi memarlıq həlləri daxildir.
Brendin dizayn üslubu nəfəs alan neytral tonlar, metal vurğular, yüksək keyfiyyətli materiallar və əl işçiliyi ilə tamamlanan incə formalar üzərində qurulub. Giuseppe Lasparra və Giuseppe Viganò Longhi-nin estetik xəttini yaradan əsas dizaynerlərdəndir.
Bu gün Longhi otel, villa və rezidensiya kimi premium layihələrdə geniş tətbiq olunur və həm fərdi müştərilər, həm də memarlıq studiyaları üçün tam interyer həlləri təqdim edir.
Poltrona Frau
Poltrona Frau, “Made in Italy” zanaatkarlığını ən yüksək səviyyədə yaşadan və xüsusilə dəri emalı sahəsində dünyada nüfuz qazanan ikonik interyer brendidir. Brendin özünə məxsus yüksək keyfiyyətli dərisi — Pelle Frau — artıq markanın imzasına çevrilib. Dizayn xətti müasir və klassik üslub arasında mükəmməl balans yaradaraq zamansız interyerlər formalaşdırır.
Poltrona Frau yalnız ev mebelləri ilə məhdudlaşmır. Brend Ferrari, Maserati, Alfa Romeo, Bugatti kimi avtomobil nəhənglərinin salonlarında istifadə olunan premium dəri üzlükləri istehsal edir. Bununla yanaşı:
– Havayolu sektoru: Singapore Airlines, Etihad kimi lüks şirkətlərin kabin interyerləri
– Kültür məkanları: La Scala Milano, Parco della Musica Roma və digər məşhur teatr oturacaqları
– Yat və xüsusi layihələr: super lüks yaxtaların daxili interyerləri
kimi yüksək səviyyəli layihələrdə də Poltrona Frau imzasını görmək mümkündür.
Fiam Italia
Fiam Italia, şüşəni sənət və mühəndisliyin birləşdiyi heykəlsi formalarla təqdim edən dünyanın aparıcı dizayn brendlərindən biridir. Brend minimalist və zərif xəttləri ilə seçilir və əyilmiş şüşə (bent glass) texnologiyasında qlobal liderdir.
Fiam masalar, konsollar, sehpalar, aynalar, stullar və kitab rəfləri kimi geniş şüşə mebel çeşidi təqdim edir. Philippe Starck, Ron Arad, Daniel Libeskind və Massimiliano Fuksas kimi tanınmış dizaynerlərlə əməkdaşlıq edir.
Brendin ikonik işləri arasında Ghost Chair, Echo Cupboard və Phantom Mirror yer alır — hər biri şüşənin mümkün formalarını yenidən müəyyənləşdirən müasir dizayn nümunələridir. Fiam, uzunömürlü və tam geri dönüştürülə bilən yüksək keyfiyyətli şüşədən istifadə etməsi ilə də fərqlənir.
Porada
Porada, 1968-ci ildə İtaliyanın Como bölgəsində qurulmuş və təbii ağac işləməsində ustalığı ilə tanınan premium mebel brendidir. Brendin dizayn xətti Canaletto qoz ağacı, mərmər, dəri və şüşə kimi materiallarla hazırlanmış zərif və incə formalar üzərində qurulub. Kolleksiyaya masa, kreslo, yataq, kitablıq və müxtəlif aksessuarlar daxildir.
Porada, Patrick Jouin, Emmanuel Gallina, Gabriele & Oscar Buratti və Giuseppe Viganò kimi tanınmış dizaynerlərlə əməkdaşlıq edir və həm keyfiyyət, həm də davamlı istehsal prinsipləri ilə seçilir.
Gruppo Fox
Gruppo Fox, 1995-ci ildə İtaliyanın Brianza bölgəsində qurulmuş, yüksək keyfiyyətli əl işçiliyi ilə müasir istehsalı birləşdirən premium yumşaq mebel brendidir. Kolleksiyalar müştərinin zövqünə uyğun geniş kumaş seçimi, kontrast tikişlər və fərdi ölçü imkanları ilə tam şəkildə fərdiləşdirilə bilir. “FuoriPorta” açıq hava seriyası — Levante, Montecarlo, Nautilus və Portofino modelləri ilə — teras və bağ məkanları üçün estetik və rahat həllər təqdim edir.
Brendin seçilən modellərindən biri olan Hector, modullu quruluşu, meşə iskeleti, poliuretan köpük dolğusu və dəyişdirilə bilən yastıq sistemləri ilə yüksək komfort təmin edir. Həm ev interyerlərində, həm də ofis, lounge və sosial məkanlarda istifadə üçün ideal, müasir və funksional oturma həlli sayılır.
